ಮುದ ನೀಡುವ ನೆನಪುಗಳು - ಪ್ರಿಯಂವದಾ

     ಪ್ರಿಯಂವದಾ

     'ಆಯಿಯೇ ಮೇಡಮ್ ಜೀ, ಆಪಕಾ ಸ್ವಾಗತ್ ಹೈ'

     'ಸರ್, ಮುಝೆ ಜೀ ಕೆಹಕೇ ನ ಪುಕಾರಿಯೇಗಾ, ಅಚ್ಛಾ ನಂಹೀ ಲಗತಾ.'

     'ಫಿರ್?'

     'ಪ್ರಿಯಾ ಕರಕೇ ಬುಲಾವೋ ನಾ, ನಾಮ್ ಸೇ'

     'ಪ್ರಿಯ ಪ್ರಾಣೇಶ್ವರೀ, ಹೃದಯೇಶ್ವರೀ, ಯದೀ ಆಪ್ ಹಮೇ ಆದೇಶ ಕರೇಂ ತೋ....'

     'ಪ್ರೇಮ ಕಾ ಹಮ್ ಶ್ರೀಗಣೇಶ ಕರೇಂ....' ಬಗಲಲ್ಲಿ ಕುಳಿತ ಅರೋಡಾ ದನಿಗೂಡಿಸಿದ.

     ಹುಡುಗಿ ಕೆಂಪು ಕೆಂಪಾದಳು....

     ಎಂಭತ್ತರ ಉತ್ತರಾರ್ಧದಲ್ಲಿ ದಿಲ್ಲಿಯಲ್ಲಿ ನನ್ನ ಡ್ಯೂಟಿ. ಹೊಸದಾಗಿ ನೇಮಕವಾದ ಕ್ಲರ್ಕುಗಳಿಗೆ ಸರ್ವೇ ಸಾಮಾನ್ಯ ಸೇವಿಂಗ್ಸ್ ಸೆಕ್ಷನ್ ನಲ್ಲಿ ಆರು ತಿಂಗಳು ಕೂರಿಸಿ ಇನೀಷಿಯೇಷನ್ ಮಾಡಿಸಿ ನಂತರ ಇತರ ಸೆಕ್ಷನ್ ಗಳಿಗೆ ಕಳಿಸುವುದು ಕ್ರಮ. ಅಂತೆಯೇ ಈಕೆ ನನ್ನ ಬಿಲ್ಸ್ ಡಿಪಾರ್ಟ್ ಮೆಂಟಿಗೆ ಬಂದಿದ್ದಳು. ಬೀ ಎಸ್ ಆರ್ ಬೀ ಮೂಲಕ ನಮ್ಮ ಬೇಂಕಿಗೆ ನಿಯುಕ್ತಿಯಾಗಿ ಬಂದ ತರುಣಿ. ಸಹಜವಾಗಿ ಬ್ರಾಂಚಿನ ಸೆಂಟರ್ ಆಫ್ ಎಟ್ರಾಕ್ಷನ್. 'ಸರ್ ಮುಝೆ ಜ಼ರಾ ಕಾಮ್ ಕೇ ಬಾರೇ ಮೇ ಬತಾ ದೇನಾ, ಏಕ್ ಬಾರ್ ಬತಾದೋ, ಆಗೇ ಮೇ ಖುದ್ ಹೀ ಸೀಖ್ ಲೂಂಗೀ.....'

     'ಆಯಿತು ಈಗಿನಿಂದಲೇ ನಿಮ್ಮ ಟ್ಯೂಷನ್ ಶುರು, ಇಲ್ಲಿ ಕೂತುಕೊಳ್ಳಿ.'

     'ಸರ್, ನೀವು-ತಾವು ಎಂದು ಕರೆದರೆ ಆಕ್ವರ್ಡ್ ಆಗುತ್ತದೆ, ಪ್ರಿಯಾ ಎಂದೇ ಕರೆಯಿರಿ.'

     'ಓ ಕೇ ಪ್ರಿಯಾ, ನನ್ನನ್ನೂ ನಾಯಕ್ ಮಾಮ್ ಎಂದು ಕರೀರಿ, ಸರ್ ಸರ್ ಬುಲಾಯಾ ತೋ ಸ್ಕೂಲ್ ಮಾಸ್ಟರ್ ಜೈಸಾ ಲಗತಾ ಹ್ಞೂಂ. ಸರಿ, ನಿನ್ನ ಹೆಸರೇ ಪ್ರಿಯಂವದಾ, ಪ್ರಿಯಂವದಾ ಎಂದರೆ ಎಲ್ಲರಿಗೂ ಪ್ರಿಯವಾಗುವಂತೆ ಮಾತನಾಡುವವಳು ಎಂದರ್ಥ. ನಮ್ಮ ಸಂಸ್ಥೆಯ ಸ್ಟಾಕ್ ಇನ್ ಟ್ರೇಡೇ ಸರ್ವೀಸ್. ಒಳ್ಳೆಯ ಮಾತು, ಕ್ಲಪ್ತ ಸೇವೆ, ನಗುಮುಖದ ವ್ಯವಹಾರ ಮತ್ತು ಬಂದ ಗ್ರಾಹಕರಿಗೆ ಸೂಕ್ತ ಗೌರವ ನೀಡುವುದು ಇವೇ ಮೊದಲಾದವುಗಳು ನಮ್ಮ ಆದ್ಯತೆಗಳಾಗಬೇಕು. ಆದಷ್ಟು ಮಟ್ಟಿಗೆ ಯಾವಾಗಲೂ ಹಸನ್ಮುಖಿಯಾಗಿ ಇರಬೇಕು.... ಹಸನ್ಮುಖಿ ಕಾ ಮತಲಬ್ ಯೇ ನಹೀಂ ಕೀ ಇಸ್ ಅರೋಡಾ ಸೇ ಜ್ಯಾದಾ ಉಲಝನಾ, ಯಹ ಬಹುತ್ ಖತರ್ ನಾಕ್ ಬಂದಾ ಹೇ' ಛೇಡಿಸಿದೆ....

     'ಅರೇ ನಾಯಕ್! ತೂನೇ ತೋ ಆತೇ ಹೀ ಮೇರಾ ನಂಬರ್ ಕಟವಾ ದಿಯಾ?' ..ಅರೋಡಾ ಕಣ್ಣು ಮಿಟುಕಿಸಿದ....

     'ಐಸಾ ಹೈ, ಹಸೀ ಮಝಾಕ್ ಏಕ್ ತರಫ್, ಡ್ಯೂಟಿ ಏಕ್ ತರಫ್,' ಅವಳಿಗೆ ಬಿಲ್ಸ್ ಸೆಕ್ಷನ್ನಿನ ಕುರಿತು ವಿವರಿಸತೊಡಗಿದೆ....

     'ಅರೇ ನಾಯಕ್ ಸಾಬ್ ಇಸ್ ಅಗರವಾಲ್ ಕೇ ಖಾತೇ ಮೇ ಕೋಯೀ ಕ್ರೆಡಿಟ್ ಹೇ ಕ್ಯಾ? ಉಸಕಾ ಚೇಕ್ ಆಯಾ ಹೇ....' ಒಂದು ದುಂಬಿ ನಮ್ಮೆಡೆಗೆ ಗುಂಯಿಗುಡುತ್ತಾ ಬಂತು....

     'ಬಾದ್ ಮೇ, ಬಾದ್ ಮೇ, ಅಭೀ ಹಮ್ ಬಿಝೀ಼ ಹೈಂ....' ಆತ ಮೂಗು ಮುರಿಯುತ್ತ ವಾಪಸಾದ. ನಮಗಿಬ್ಬರಿಗೂ ನಗು ಬಂತು.

     'ಯಾವುದೇ ಕೆಲಸ ಇರಲಿ, ಥಿಯರಿಗಿಂತ ಪ್ರಾಕ್ಟಿಕಲ್ ಆಗಿ ಮಾಡುವುದೇ ಉತ್ತಮ, ಈಗ ಈ ಕೆಲವು ಕ್ರೆಡಿಟ್ ವೋಚರ್ ತಕ್ಕೊಳ್ಳಿ, ಎಂಟ್ರೀ ಸುರು ಮಾಡಿ...' ಹುಡುಗಿ ಮಾಡರ್ನ್ ಹಾಗೂ ಸ್ಮಾರ್ಟ್, ಆಕರ್ಷಕ ವ್ಯಕ್ತಿತ್ವ, ಉಡುಗೆ ತೊಡುಗೆ ಅಲ್ಲದೇ ತುಂಬಾ ಶಾಲೀನ ಮಾತುಗಳು. ಕೆಲಸದಲ್ಲೂ ಶೀಘ್ರವಾಗಿ ಪಳಗಿದಳು...‌

     ಇಡೀ ಬ್ರಾಂಚಿನಲ್ಲಿ ಅತ್ಯಂತ ಹೆವ್ವೀ ವರ್ಕ್ ಲೋಡ್ ಇರುವ ಸೆಕ್ಷನ್ ನಂದು. ಹಿಂದಿನ ಆಫೀಸರ್ ಸ್ಟಾಫು ಎಲ್ಲರೂ ಬೈದುಕೊಂಡೇ ಕೆಲಸ ಮಾಡುತ್ತಿದ್ದರು, ಯಾವಾಗ ನೋಡಿದರೂ ಪೆಂಡಿಂಗು ಪೆಂಡಿಂಗು, ಕಸ್ಟಮರ್ ಕಂಪ್ಲೇಂಟು ಛೀ ಛೀ.. ಈ ಸಮಯದಲ್ಲಿ ನಾನಲ್ಲಿ ಅಭಿಷಿಕ್ತನಾದೆ. 'ಅಬ್ ಯಹ ನಯಾ ಬಕರಾ ಆಗಯಾ ಮರನೇ ಕೇ ಲಿಯೇ, ಹಮ್ ತೋ ನಿಕಲ್ ರಹೇಂ ಹೇಂ' ಎಂದು ಹಿಂದಿನವರು ಗಂಟುಮೂಟೆ ಕಟ್ಟಿ ಹೋಗಿದ್ದರು. ಒಂದು ಲೋಡು ಪೆಂಡಿಂಗ್ ಪೇಪರ್ಸ್ ಇಟ್ಟು ಹೋಗಿದ್ದರು. ಅಂತಹ ಸಂದಿಗ್ಧತೆಯಲ್ಲಿ ಈ ಲಲನಾಮಣಿ  'ಪ್ರಿಯಾ' ಎಂಟ್ರೀ ಕೊಟ್ಟಳು. ಅವಳಿಗೆ ಕೆಲಸ ಮಾಡುವ ಕಲಿಯುವ ಆಸಕ್ತಿ ತುಂಬ ಇದ್ದುದು ಕಂಡುಕೊಂಡೆ. ಒಂದು ವಾರದೊಳಗೆ ನುರಿತಳಾಕೆ.

     ಹದಿನೈದು ದಿನಗಳ ಬಳಿಕ ನಾಯಕ್ ಸರ್ ಜೀವಿತ ಇದ್ದಾನೋ ಏನೆಂದು ವಿಚಾರಿಸಲು ಹಿಂದಿನ ಕ್ಲರ್ಕ್ ಬಂದು ಕೂತ. 'ಹಾಂಜೀ ನಾಯಕ್, ಕ್ಯಾ ಹಾಲ್ ಚಾಲ್ ಹೇ?? ಕೋಯೀ ಮದದ್ ಚಾಹಿಯೇ?, ಪ್ರಿಯಾ ಜೀ ಕಾಮ್ ದಂಧಾ ಕೈಸೇ ಚಲ್ ರಹಾ ಹೈ?'

     'ಪ್ರಿಯಾ, ಭಾಯೀ ಸಾಬ್ ಕೋ ತುಮ್ಹಾರಾ ಪೆಂಡಿಂಗ್ ಪುಷ್ತೀ ದಿಖಾನಾ ಜ಼ರಾ..'

     'ಅಚ್ಛಾ ಬಡೇ ಭಾಯೀ' ಎಂದು ಆಕೆ ಪೆಂಡಿಂಗ್ ಪುಷ್ತೀ ತೆಗೆದು ಕೊಟ್ಟಳು. ಒಂದೇ ಒಂದು ಪೆಂಡಿಂಗ್ ಬಿಲ್ಸ್ ಇಲ್ಲ!!

     'ಮುಝೇ ಬಡೇ ಭಾಯೀ ಮತ್ ಕಹಾ ಕರೋ, ಯೇ ಕ್ಯಾ? ಪೆಂಡಿಂಗ್ ಪುಷ್ತೀ ಬೋಲಾ ಥಾ, ತುಮ್ ಖಾಲೀ ಪುಷ್ತೀ ದಿಖಾ ರಹೀ ಹೋ!!?'

     'ನಿನ್ನ ಕಾಲದಲ್ಲಿ ಈ ಪುಷ್ತಿ ತುಂಬಿರುತ್ತಿತ್ತು, ಈಗ ನೋಡು, ಇಲ್ಲಿ ಕ್ಯಾಪ್ಟನ್ ಬದಲಾಗಿದ್ದಾರೆ ಅದೇ ರೀತಿ ಮಿಲಿಟರಿ ಸಹ ಏಕದಮ್ ತಂದುರೂಸ್ತ್ ಇದಾರೆ. ಸಂಜೆ ವೇಳೆಗೆ ಪುಷ್ತಿ ಖಾಲಿ, ಪೆಂಡಿಂಗ್ ಪ್ರಶ್ನೆನೇ ಇಲ್ಲ..'

     'ಅರೇ ವಾಹ್! ಶಾಭಾಷ್' ಎಂದು ಹೊಗಳಿ ಹೋದನಾತ. ಈಕೆಗೆ ಬಹು ಸಂತಸವಾಯಿತು..

                          ...‌‌‌..೦೦.....

     ಒಂದು ಸೋಮವಾರ ಜೀನ್ಸ್ ಪ್ಯಾಂಟು ಮತ್ತದಕ್ಕೆ ಒಪ್ಪುವ ಡ್ರೆಸ್ಸು ಧರಿಸಿ ಝಗಮಗಿಸಿ ಬ್ರಾಂಚಿಗೆ ಹಾಜರಾದಳು. ಅರೆವಾಸಿ ಹುಡುಗರ ಹಾರ್ಟ್ ಬೀಟು ಆ ದಿನ ನೂರರ ಮೇಲೇರಿತ್ತು. ನಾನು ಏನೂ ಪ್ರತಿಕ್ರಿಯಿಸಲಿಲ್ಲ, ಹನ್ನೆರಡರ ಸಮಯಕ್ಕೆ ಮೆನೆಜರು ಕರೆದರು 'ನಾಯಕರೇ ನಿಮ್ಮ ಸೆಕ್ಷನಲ್ಲಿ ಏನು ನಡೀತಾ ಇದೆ? ಭಾರೀ ಸ್ಟಾಫು ಜಮಾಯಿಸಿದ್ದಾರೆ?'

     'ಏನೂ ಇಲ್ಲ ಸರ್, ನೀವು ತಲೆಬಿಸಿ ಮಾಡಬೇಡಿ.' ಆ ಕಾಲದ ಮಾಡ್ ಡ್ರೆಸ್ ಉಟ್ಟವಳು ಇತರ ಮಹಿಳಾಮಣಿಯರ ಕುಹಕ, ಪುರುಷಮಣಿಗಳ ಅಭಿಮಾನ ಮತ್ತು ಮೆನೆಜರರ ಅಸಮಾಧಾನಕ್ಕೆ ಪಾತ್ರಳಾದಳು. ನಾಯಕರಿಗೆ ನಿನ್ನ ಚರ್ಯೆ ಪಸಂದಾಗಲಿಲ್ಲ ಎಂದು ಅರೋಢಾ ಪಿಸುಮಾತಿನಲ್ಲಿ ಹೇಳಿದ್ದು ನನ್ನ ಗಮನಕ್ಕೆ ಬಂತು. ನಾಲಕ್ಕು ದಿನ ಆಕೆಯೂ ಮುಗುಮ್ಮಾಗಿದ್ದಳು.

     ಒಂದು ಮಧ್ಯಾಹ್ನ ನಾಲಕ್ಕರ ಬಳಿಕ ಸಾಮಾನ್ಯವಾಗಿ ಹೆಚ್ಚಿನವರು ಕೊಂಚ ಫ್ರೀ ಆಗ್ತಾರೆ-ನನ್ನನ್ನು ಹೊರತುಪಡಿಸಿ. ಪ್ರಿಯಾ ಜ಼ರಾ ಇಧರ್ ಆನಾ...

     'ಏಕ್ ಬಾತ್ ಪೂಛೂಂ! ಬುರಾ ತೋ ನಂಹೀ ಮಾನೇಗೀ? ನಿನ್ನ ಬಳಿ ಇಂತಹ ಆಕರ್ಷಕ ಡ್ರೆಸ್ಸು ಎಷ್ಟು ಇವೆ?'

     'ಏಕೆ ನಾಯಕ್ ಮಾಮಾ?' ಇನ್ನೂ ಸರಿಯಾಗಿ ಮಾಮ ಅನ್ನಲು ಕಲಿಯಲಿಲ್ಲ ಆಕೆ.

     'ಹೀಗೆ ಸುಮ್ಮನೆ ಕುತೂಹಲಕ್ಕೆ ಕೇಳಿದೆ, ಒಂದು ನೂರು ಪೇರ್ ಇರಬಹುದೇನೋ?'

     'ಅಷ್ಟು ಇಲ್ಲ ಸರ್, ಆದರೆ ಬೇರೆ ಬೇರೆ ಡಿಸೈನುಗಳ ಸಾಕಷ್ಟು ಡ್ರೆಸ್ ಇವೆ ನಾಯಕ್ ಮಾಮಾ.'

     'ನಾಳೆ ಝಗಝಗ ಸೀರೆ, ನಿತ್ಯಕ್ಕಿಂತ ಕೊಂಚ ದೊಡ್ಡ ಸೈಜಿನ ಬಿಂದೀ ಹಾಗೂ ಊದ್ದ ಜಡೆ ಹೆಣೆದುಕೊಂಡು ಬಾ.'

     'ಏನು ವಿಶೇಷ ಸರ್?'

     'ವಿಶೇಷ ಏನೂ ಇಲ್ಲಮ್ಮಾ, ಅದು ನಮ್ಮ ಸೌತ್ ಇಂಡಿಯನ್ ಸ್ಟೈಲು, ಹಾಗಾಗಿ ಹೇಳಿದೆ. ಅಷ್ಟೇ, ಯೂ ಲುಕ್ ಗೋರ್ಜಿಯಸ್ ಇನ್ ಇಟ್, ಬಿಲೀವ್ ಮೀ'

     ಮರುದಿನ ಕಡು ಕೆಂಪು ಬಣ್ಣದ ಸೀರೆ, ಅದಕ್ಕೊಪ್ಪುವ ಮ್ಯಾಚಿಂಗ್ ಚೋಲಿ ಮತ್ತು ಇತರೇ ಆಭರಣ ಭೂಷಿತಳಾಗಿ ಅಪ್ಸರೆ ಬ್ರಾಂಚಿಗೆ ಆಗಮಿಸಿದಳು. ಅಂದು ಎಲ್ಲರ ಅಭಿಮಾನ ಆರಾಧನಾ ಭಾವಗಳಿಗೆ ಪಾತ್ರಳಾದಳು. ಹಿಂದಿನ ಸಲ ಕುಹಕ ಆಡಿದ್ದ ಮಹಿಳಾಮಣಿಗಳೆಲ್ಲ ಬಂದು ಬಂದು ಅವಳನ್ನಪ್ಪಿ ಮುದ್ದಾಡಿ ಹೋದರು. ಹುಡುಗಿಯ ಮುಖ ಊರಗಲ ಅರಳಿತ್ತು.

     ಮಧ್ಯಾಹ್ನ ನಾಲ್ಕರ ಹೊತ್ತಿಗೆ ತನ್ನ ಎಂಟ್ರೀಗಳ ಚೆಕಿಂಗ್ ಎಂದು ಲೆಕ್ಕ ಪುಸ್ತಕಗಳನ್ನು ನನ್ನ ಟೇಬಲ್ಲಿಗೆ ತಂದಿಟ್ಟಳು. 'ಕೈಸಾ ರಹಾ ಮೇರಾ ಸಜೆಷನ್?'

     'ಥ್ಯಾಂಕ್ ಯೂ ವೆರಿ ಮಚ್ ಸರ್!! ಆಜ್ ಮೇ ಬಹೂತ್ ಖುಷ್ ಹ್ಞೂಂ, ನಿಮ್ಮ ತಲೆಗೆ ಇಂಥದ್ದೆಲ್ಲ ಹೇಗೆ ಹೊಳೀತದೆ? ಓಹ್ ಮೈ ಗಾಡ್!! ಹೌ ಹೇಪ್ಪೀ ಐ ಯಾಮ್! ನಮ್ಮ ಮನೆಯಲ್ಲೂ ಎಲ್ಲರಿಗೂ ಭಾರೀ ಖುಷಿ. ಡು ಐ ರಿಯಲೀ ಲುಕ್ ಸ್ಮಾರ್ಟ್ ಟುಡೇ!? ಸಚ್ಚೀ ಬತಾನಾ, ಝೂಟ್ ನಂಹೀ ಬೋಲನೇ ಕಾ!' ಹ್ಞಾಂ!!' ಹುಡುಗಿಯ ಕಾಲು ನೆಲದ ಮೇಲೆ ಇದ್ದಿರಲಿಲ್ಲ.

     'ನಿಜವಾದ ಸೌಂದರ್ಯ ಸರಳ ಸಿಂಪಲ್ ಡ್ರೆಸ್ಸುಗಳಲ್ಲೇ ಇರೂದು ಮೈ ಡಿಯರ್ ಗರ್ಲ್, ಒನ್ ಮಸ್ಟ್ ಸೀ ಡಿವಿನಿಟೀ ನಾಟ್ ಸ್ಮಾರ್ಟ್ ನೆಸ್. ಆಪನೇ ತೋ ಆಜ್ ಸಬಕಾ ದಿಲ್ ಜೀತ್ ಲಿಯಾ...'

     'ಓಹ್! ಥ್ಯಾಂಕ್ ಯೂ, ಥ್ಯಾಂಕ್ ಯೂ, ಬಹುತ್ ಅಚ್ಛೀ ಬಾತ್ ಕಹೀ ಆಪನೇ.....'

     'ವ್ಹೈರೇ ನಾಯಕಾ, ತುಗ್ಗೆಲೆ ಸೆಕ್ಷನಾ ಕಸಲೇಂ ಚಲತಾ ಆಸ್ಸರೇ?' ನನ್ನ ಗೆಳೆಯರ ಪ್ರಶ್ನೆ.

     'ಏನೂ ಇಲ್ಲ ಮಹರಾಯ, ಸ್ಟಾಫ್ ಮೆಂಬರ್ ಗಳನ್ನು ಆದಷ್ಟು ಖುಷಿಯಾಗಿ ಇಟ್ಟುಕೊಳ್ಳೂದು. ಅವರೂ ಖುಷ್ ನಾವೂ ಖುಷ್ ಅಷ್ಟೇ'.....